Brukarvilkår og personvern

Oppdatert 16. september 2026 · Ansvarleg for tenesta: Lars Vaage

Desse vilkåra gjeld når du opprettar brukar, spelar eller bidreg i Kartleik. Tenesta krev for tida innlogging. Det finst ikkje gjestetilgang.

1. Eit gratis dugnadstilbod

Kartleik er eit gratis lågterskeltilbod laga på dugnad. Formålet er leik, læring og utforsking i kart, slik at folk kan bli betre kjende med stadnamn i Noreg. Suldal er første området som er tilgjengeleg. Tenesta er ikkje eit offentleg register, eit juridisk eigedomskart, eit navigasjonsverktøy eller ei kjelde som skal brukast ved avgjerder om tryggleik, grenser eller rettar.

2. Konto

Du skal oppgi eige fornamn og etternamn, halde passordet hemmeleg og ikkje misbruke tenesta. Kontoar kan sperrast ved misbruk, brot på vilkåra eller fare for data og andre brukarar. Barn under 15 år skal ikkje opprette ein personleg konto no. Ei eventuell anonym barneløysing må personvernvurderast før ho blir opna.

3. Innhald du legg inn

Du har ansvar for at opplysningar, tekst, lyd, bilete og GPS-data du legg inn, er lovlege, relevante og ikkje krenkjer personvern, opphavsrett eller andre rettar. Ikkje legg inn hemmelege opplysningar eller unødvendige personopplysningar.

Du gir Kartleik ein vederlagsfri, ikkje-eksklusiv rett til å lagre, vise, tilpasse, tryggleikskopiere og moderere bidraget som del av tenesta. Du beheld elles rettane dine.

4. Offentlege kjelder og lokale bidrag

Namn og kartdata kan kome frå offentlege eller andre godkjende kjelder og kan innehalde feil eller mangle informasjon. Lokale bidrag i Kartleik er eigne tillegg. Dei oppdaterer ikkje Kartverket, lokalnamn.no, Matrikkelen eller andre opphavlege kart og register.

5. Kvalitet, drift og tap av data

Tenesta blir tilbydd utan garanti for at innhald er korrekt, fullstendig eller alltid tilgjengeleg. Innhald kan bli endra, moderert, arkivert eller fjerna. Tekniske feil kan føre til tap av data. Kartleik vil bruke rimelege tiltak for trygg drift og tryggleikskopiering, men lovar ikkje permanent lagring av bidrag.

Lars Vaage er ikkje ansvarleg for indirekte tap, avgjerder tekne på grunnlag av kartet eller tap av brukarbidrag, så langt norsk lov tillèt. Denne avgrensinga gjeld ikkje ansvar som ikkje lovleg kan avgrensast, eller skade valda med forsett eller grov aktløyse.

6. Endringar og avvikling

Funksjonar, innhald og teknisk løysing kan endrast, bytast ut eller fjernast utan førehandsvarsel. Tenesta kan stengjast mellombels eller avviklast. Vesentlege endringar i desse vilkåra skal visast ved neste innlogging og krev ny godkjenning før vidare bruk av kontoen.

7. Personvern

SULDALSKART behandlar namn, brukarnamn, passordhash, innloggingar, spelstatistikk, bidrag og administrative handlingar for å levere og sikre tenesta. Passord blir ikkje lagra i klartekst. Andre brukarar kan ikkje sjå at du finst som standard. Frivillig samanlikning kan slåast på i innstillingane, men viser berre visningsnamn og læringsresultat mellom brukarar som har same primære interessegard og som begge har slått på synlegheit. E-post, innloggingshistorikk, andre gardar og adminrettar blir ikkje viste. Barn under 15 år er aldri synlege. Administrative endringar blir logga slik at misbruk kan sporast og endringar kan rettast.

Posisjonen din blir berre henta når du aktivt bruker ein posisjonsfunksjon, og blir ikkje lagra permanent av funksjonen «Stadnamn nær meg». Opplysningane elles blir lagra så lenge kontoen eller behovet for tryggleik, dokumentasjon og drift varer. Du kan be om innsyn, retting eller sletting ved å kontakte Lars Vaage. Enkelte opplysningar kan måtte bevarast i endringslogg når det er nødvendig for tryggleik og dokumentasjon.

8. Kontakt og lovval

Kontakt Lars Vaage på lars@vaagegard.no eller telefon 958 41 661. Norsk lov gjeld. Ta først kontakt dersom du meiner noko bør rettast eller fjernast.